ÁBYRGÐARYFIRLÝSING OG ÖRYGGISREGLUR SKOPP

Okkur í Skopp er annt um öryggi allra gesta. Notkun trampólína og annarra afþreyingartækja felur í sér ákveðna áhættu og því er mikilvægt að allir gestir kynni sér og fylgi öryggis- og umgengnisreglum Skopp.

Með samþykki þessarar yfirlýsingar staðfesti ég að ég hafi kynnt mér reglur Skopp, skilji þær og muni fylgja fyrirmælum starfsfólks og leiðbeiningum sem gilda um einstök tæki og svæði.

Með samþykki mínu staðfesti ég eftirfarandi:

Ég geri mér grein fyrir þeirri áhættu sem fylgir notkun trampólína og annarra afþreyingartækja.
Ég mun nota tæki og aðstöðu Skopp á ábyrgan hátt og fylgja þeim reglum, merkingum og leiðbeiningum sem gilda hverju sinni.

Ég mun fylgja fyrirmælum starfsfólks.
Öryggisreglur og leiðbeiningar starfsfólks eru settar til að tryggja öryggi allra gesta og ber mér að fylgja þeim.

Ég ber ábyrgð á eigin hegðun og framkomu.
Ég ber ábyrgð á tjóni sem ég kann að valda á búnaði eða öðrum einstaklingum vegna vísvitandi eða gáleysislegrar háttsemi sem brýtur gegn reglum eða fyrirmælum starfsfólks.

Ég ber ábyrgð á persónulegum munum mínum.
Skopp ber ekki ábyrgð á persónulegum munum sem glatast, skemmast eða er stolið í húsakynnum Skopp, nema ábyrgð leiði af lögum.

Ég er ekki undir áhrifum áfengis eða annarra vímuefna.
Óheimilt er að nota trampólín eða önnur afþreyingartæki Skopp undir áhrifum áfengis eða annarra vímuefna.

Ég er líkamlega fær um að taka þátt.
Ég geri mér grein fyrir að notkun trampólína og annarra afþreyingartækja getur reynt á líkamann. Ef ég er með heilsufarsvandamál, meiðsli eða annað sem gæti haft áhrif á öryggi mitt ber mér að meta hvort þátttaka sé viðeigandi og leita ráðgjafar heilbrigðisstarfsmanns ef þörf er á.

Starfsfólk getur stöðvað þátttöku mína.
Starfsfólk Skopp getur stöðvað notkun mína á tæki eða vísað mér úr garðinum ef ég fylgi ekki öryggisreglum eða fyrirmælum starfsfólks eða ef hegðun mín er talin ógna öryggi mínu eða annarra gesta.

BÖRN OG UNGMENNI

Foreldri eða forráðamaður sem samþykkir yfirlýsinguna fyrir barn staðfestir að hafa kynnt sér reglurnar og ber ábyrgð á að upplýsa barnið um þær með hætti sem hæfir aldri þess.

Börn skulu fylgja þeim aldurs- og fylgdarreglum sem gilda um viðkomandi svæði og afþreyingu.

MYNDAVÉLAVÖKTUN OG PERSÓNUVERND

Húsnæði Skopp er vaktað með öryggismyndavélum í öryggis- og eignavörsluskyni. Meðferð persónuupplýsinga fer fram samkvæmt gildandi persónuverndarlögum og persónuverndarstefnu Skopp.

Upplýsingar sem veittar eru við samþykki þessarar yfirlýsingar eru varðveittar með öruggum hætti og aðgangur að þeim takmarkaður við þá starfsmenn sem þurfa á honum að halda vegna starfa sinna.

Nánari upplýsingar um vinnslu persónuupplýsinga og varðveislutíma má finna í persónuverndarstefnu Skopp.

EF ÓHAPP VERÐUR

Ef slys eða óhapp verður í Skopp biðjum við þig um að láta starfsmann vita strax, svo hægt sé að veita aðstoð og skrá atvikið.

MEÐ SAMÞYKKI STAÐFESTI ÉG AÐ:

Ég hef lesið og skilið ábyrgðaryfirlýsingu og öryggisreglur Skopp og samþykki að fylgja þeim og fyrirmælum starfsfólks.

Skopp Ísland

Dalvegi 10-14,
201 Kópavogur
S. 519 3230