Fara í efni

Kæri skoppari

Velkomin/n á nýju vefsíðuna okkar.

Við erum skoppandi glöð með hana og getum nú boðið viðskiptavinum okkar að bóka - og greiða - tíma í skopp á einfaldan hátt.
Við hlökkum til að sjá þig í Skopp garðinum og lofum frábæru skopp-ári, með nýjum tækjum, ævintýrum og gleði. 

Einnig viljum við minna á að öll Rush gjafabréf virka enn meðan þau eru í gildi (4 ár frá útgáfudegi).

  • Skopp 

    "SKOPP ER AÐ HOPPA, VELTAST EÐA RENNA OG LYFTAST ÖÐRU HVERJU FRÁ JÖRÐU„

    Trampólíngarðurinn á Dalvegi sem hefur verið einn vinsælasti áfangastaður krakka á öllum aldri í gegnum árin hefur fengið nýtt og alíslenskt nafn. Nýja nafnið er einfalt og auðskiljanlegt - Skopp. Auk nýja nafnsins mun Skopp frumsýna ný og spennandi tæki fyrir alla aldurshópa á árinu 2023. 

    Þrjú ný og skoppandi skemmtileg tæki líta dagsins ljós á árinu. Gagnvirkur og uppblásinn fótboltavöllur, nýr og glæsilegur klifurveggur og síðast en ekki síst - magnað ævintýraland ætlað yngsta aldurshópnum. Fótboltavöllurinn er sá fyrsti sinnar tegundar á Íslandi. Spilað er á uppblásinni dýnu og skotið á gagnvirk skotmörk sem eru staðsett inni í mörkunum. Nýji klifurveggurinn inniheldur þrjár miserfiðar klifurleiðir og er hannaður í samstarfi við Benjamin Mokry, framkvæmdarstjóra Klifurhússins. Þar sem gamli klifurturninn var áður mun svo rísa stórglæsilegt ævintýraland fyrir yngri aldurshópa. Framleiðandi ævintýralandsins er hollenskt fyrirtæki sem er fremst á sínu sviði í hönnun öruggra leiktækja fyrir börn.